Belgradî Mehmed Paşa

Müstakimzâde Süleyman Sâdeddin, Tuhfe-i Hattatin

Belgradî demekle şehir idi. İstanbul’a kudüme ikdâm ve "İmâm" diye be-nâm Hâfız Mehmed Efendi’den hüsn-i hatt-ı sülüs ü neshi tahsil ve icâzetiyle dahi teclîl olunup ba’dehu Sarây-ı Hümâyûn’a duhûl ve yoluyla kîlâr kethüdası olup sonra iki tuğ ile dahi mükerrem olmuştur. “Farz” (1080) târihi hudûdunda vedî’a-i nihân-hâne-i arz olup kalem-i cesedini kîlâr-ı kubûra nihâde ve mürg-i ruhunu kafes-i cisminden âzâde eyledi. Âsâr-ı bisyârı vardır.